Market Closed

एनसीसी बैंकमा यसरी भएको थियो डेढ अर्ब घोटाला, को–को छन् संलग्न ? (सूचीसहित)

16 Mar,2018
  • Nepal-credit-and-commercial-_3_16_2018_3_15_17.jpg
नेपाली पैसा 
 
काठमाडौं :कर्जा दुरुपयोग गरी १ अर्ब ५० करोड ९६ लाख ३३ हजार ९ सय ८४ रुपैयाँ घोटाला गर्ने गरेको भन्दै नेपाल प्रहरीको केन्द्रीय अनुसन्धान ब्यूरो (सीआइबी) ले नेपाल क्रेडिट एन्ड कमर्स बैंकमा छापा मारी १३  जनालाई पक्राउ गरेको छ ।

पक्राउ पर्नेमा विष्णुप्रसाद धिताल (तत्कालीन एपेक्स डेभलपमेन्ट बैकको अध्यक्ष) इच्छाबहादुर गुरुङ तत्कालीन एपेक्स डेभलपमेन्ट बैक सचालक, सुवर्णराज भण्डारी, तत्कालीन एपेक्स डेभलपमेन्ट बैकको सञ्चालक, मधुवन लाल श्रेष्ठ तत्कालीन एपेक्स डेभलपमेन्ट बैक सञ्चालक, ऋषिराज भट्टलगायत छन् । एपेक्स डेभलपमेन्ट बैंक एनसीसीसँग गाभिएकाले अहिले अस्तित्वमा छैन । 

 
पक्राउ परेका उनीहरुले नेपाल क्रेडिट एन्ड कमर्स बैंकसँग २०७२ मंसिर ११ गते मर्जरमा जाने सहमतिपत्रमा हस्ताक्षर गरे पछि  मर्जरको फाइदा उठाउँदै तत्कालीन  एपेक्स डेभेलपमेन्ट बैंकले दरबार मार्ग, लोकन्थली, इटहरी, सुर्खेत र नेपालगञ्ज शाखाहरूबाट  अनियमित  प्रक्रियाबाट कर्जा प्रवाह गरेको सीआइबीले जनाएको छ । 
 
उनीहरुले कमसल धितो राखी कर्जा प्रवाह गरेको पाइएको छ । जसमा भिरालो पाखोबारी, बाटो नपुगेको जग्गाहरुको अधिक मूल्यांकन गरी कर्जा लगानी गरेका थिए । यस्तै, कृतिम ऋणीहरु खडा गरेको, निश्चित क्षेत्रको कमसल जमिनहरुमा विभिन्न ऋणीहरु खडा गरी कर्जा प्रवाह  गरेको पाइएको छ ।

ऋणीको नक्कली आयस्रोत सम्बन्धी विवरणहरूलाई स्वीकृत गर्ने गरेको, मोटर बाटो नभएको भिरालो पाखो बारीहरु खेत वन क्षेत्र भएको जग्गाहरुमा बाटो भएको प्रमाणित गरेको थिए । धितो निरीक्षण कर्जा निर्णय जग्गा किनबेच, रोक्का, कर्जा तमसुक, कर्जा प्रवाह एकै दिनमा गरेको समेत पाइएको छ ।

यस्तै, कमसल जग्गाहरु धेरै टुक्रा पार्ने र धेरै ऋणीहरुको नाममा धेरै कर्जा दिने गरेको, कर्जा तमसुकहरुमा एकल ऋणीको मात्र सहीछाप गराई साक्षीहरु समेत नराखी कर्जा दिएको समेत सीआइबीले जनाएको छ ।
 
 सावाँ र ब्याज नियमित रुपमा भुक्तान नगरेका ऋणीहरुलाई पुनः दोस्रो कर्जा प्रवाह गरेको, एउटै व्यक्ति सञ्चालक हुने तथा पुराना खराब ऋणीलाई संरक्षण गरेको, सर्वसाधारण निक्षेप कर्ताको निक्षेपको सुरक्षालाई भन्दा ऋणीको सुविधालाई ध्यान दिई कर्जा दुरुपयोग गरेको पनि पाइएको छ 

अधिकांश धितो मूल्यांकन प्रतिवेदनहरु यथार्थपरक नरहेको पाइएको सीआइबीले जनाएको छ । उनीहरुलाई बैंकिङ कसूर तथा सजाय ऐन, २०६४ बमोजिम अनुसन्धान भइरहेको सीआइबीले जानकारी दिएको छ । 



 

Post Your Comment