Market Closed

बैंकिङ प्रणालीमा निक्षेप फालाफाल : कर्जा प्रवाह पनि विस्तारै बढ्न थाल्यो

02 Dec,2020
  • ruppess_12_2_2020_9_42_44.jpg
नेपाली पैसा
 
काठमाडौं : वाणिज्य बैंकहरुमा निक्षेप फालाफाल भएको छ । तरलता थुप्रिएपछि ब्याजदर निकै सस्तो भएको छ । पछिल्लो समय कर्जा प्रवाह बढे पनि निक्षेपको तुलनामा कर्जा प्रवाहको अवस्था अझै थोरै छ । निक्षेप अधिक भएपछि केन्द्रीय बैंकले बैंकिङ प्रणालीबाट एकैपटक ५० अर्ब रुपैयाँ तान्ने भएको छ । नेपाल बैंकर्स संघको तथ्यांक अनुसार वाणिज्य बैंकहरुले १ सातामा १६ अर्ब रुपैयाँ कर्जा विस्तार गरेका छन् ।

संघका अनुसार बैंकहरुले मंसिर १२ गतेसम्म ३० खर्ब ६६ अर्ब रुपैयाँ बराबरको कर्जा विस्तार गरेका हुन् । मंसिर ५ गतेसम्म बैंकहरुले ३० खर्ब ५० अर्ब रुपैयाँ मात्रै कर्जा विस्तार गरेका थिए । कात्तिक मसान्तमा वाणिज्य बैंकहरुले ३० खर्ब ५२ अर्ब रुपैयाँ बराबरको कर्जा विस्तार गरेका थिए । यता, १ सताको अवधिमा निक्षेप संकलन १९ अर्ब रुपैयाँले बढेको छ ।



मंसिर १२ गतेसम्म आइपुग्दा वाणिज्य बैंकहरुले ३६ खर्ब ५६ अर्ब रुपैयाँ बराबरको निक्षेप संकलन गरेका छन् । यस अवधिमा निक्षेप वृद्धि हुनुमा रेमिटेन्स आप्रवाह नघट्नुलाई प्रमुख कारणको रुपमा लिइएको छ । निक्षेपको प्रमुख स्रोत वैदेशिक रोजगारमा गएका नेपालीले पठाउने रेमिट्यान्स बढि रहेको केन्द्रीय बैंकको तथ्यांकमा उल्लेख छ । 
 

Post Your Comment