Market Closed

सनराइज बैंकको ४९ हजार ६८७ कित्ता संस्थापक सेयर लिलामी खुल्यो, कसले बेच्दैछ सेयर ?

04 Jan,2018
  • auction-header_1_4_2018_11_48_46.jpg
नेपाली पैसा 
 
काठमाडौं : सिद्धार्थ लगानी वृद्धि योजना १ को स्वामित्वमा रहेको सनराइज बैंकको ४९ हजार ६ सय ८७ कित्ता संस्थापक सेयर बिहीबारदेखि लिलामीमा बिक्री खुला भएको छ । सिद्धार्थ म्युचुअल फन्ड अन्तर्गत सञ्चालनमा रहेको सिद्धार्थ लगानी वृद्धि योजना १ को अवधि सकिएकाले योजना खारेजमा लैजान संस्थापक सेयर बिक्री गर्न लागिएको हो । यस योजनाको स्वामित्वमा रहेको ४९ हजार ६८७ कित्ता (सूचीकरण नभएको ६ हजार ४८१ कित्ता बोनस सेयर समेत) सेयर खरिद गर्न चाहने व्यक्ति, फर्म, कम्पनी, संघ वा संस्थाले ३५ दिन भित्र गोप्य शिलबन्दी बोलपत्र दिन भनिएको छ । बोलपत्र पुस २० गतेदेखि माघ २४ गतेसम्म पेश गर्न सकिनेछ । बोलपत्र आवेदन फारम बिक्री प्रबन्धक सिद्धार्थ क्यापिटलबाट पाउन सकिन्छ । आवेदन फारम पेश गर्दा आफूले के कति दरमा कति कित्ता लिन चाहेको त्यो स्पष्ट रुपमा खुलाउनुपर्नेछ । यसमा न्यूनतम १ हजार कित्तादेखि अधिकतम सम्पूर्ण कित्ताका लागि आवेदन दिन सकिनेछ । बोलपत्र माघ २५ गते दिउँसो ३ः१५ बजे बिक्री प्रवन्धकको कार्यालय नारायणचौर, नक्सालमा खोलिनेछ ।                                                          
 
 
 
 

Post Your Comment