काठमाडौं महानगरपालिकाले शहरलाई कुरुप बनाई राखिएका होर्डिङ बोर्ड हटाउन सुरु गरेको गरेको छ । सम्बन्धित संस्था वा व्यक्तिले निर्धारित समयमा नियम विपरीत राखिएको विज्ञापन हटाउने कार्य नगरेपछि महानगरपालिका आफैंले होर्डिङ बोर्ड हटाउन सुरु गरेको गरेको हो । गत सोमबारसम्म कामपाले सम्बन्धित व्यक्ति वा संस्थालाई नियम विपरीत राखिएका होर्डिङ बोर्ड हटाउन निर्देशन दिएको थियो । निर्देशन पालना नगरेपछि अहिले कामपाले बानेश्वर, कोटेश्वर, माइतीघर, त्रिपुरेश्वर, लैनचौरलगायतका स्थानमा निकाल्ने कार्य गरिरहेको छ ।

नबिल इन्भेष्टमेन्ट बैंकिङले आफ्ना हितग्राही सदस्यहरुलाई खाता नबिकरण गर्न आग्रह गरेको छ । कम्पनीले शुक्रबार एक सूचना प्रकाशित गरी एक साताभित्र डिम्याट खाता नबिकरण गर्न आग्रह गरेको छ । कम्पनीले यसअघि पटक पटक इमेल, एसएमएस र सार्वजनिक सूचना मार्फत डिम्याट खाता नबिकरण गराउन अनुरोध गर्दापनि केही निक्षेप सदस्यले हालसम्म पनि नगरेकोले अबको ७ दिनभित्र डिम्याट खाता नबिकरण गर्न आग्रह गरेको छ । एकसाता भित्र खाता नबिकरण नगरेको खण्डमा सदस्यको खाता रोक्का गरिने कम्पनीले जनाएको छ । यसपश्चात सार्वजनिक निष्काशनमा आवेदन गर्न समस्या हुने तथा राफसाफ र फछ्र्यौट नहुने भएकाले समयमा नै खाता नबिकरण गर्न सूचीत गरेको छ । खाता नबिकरण नगराएका लगानीकर्ताले आफ्नो खाता रहेको निक्षेप सदस्यकोमा गएर तोकिएको शुल्क भुक्तानी गरी खाता नबिकरण गर्न सक्नेछन् ।