Market Closed

प्राइम लाइफ, युनियन लाइफ र गुराँस लाइफ इन्सुरेन्सको सेयर कारोबार रोक्का

17 May,2022
  • Merger_1_23_2020_10_56_28_11_8_2020_12_31_01_11_7_2021_5_36_01_5_6_2022_2_46_55_5_17_2022_12_15_10.jpg
नेपाली पैसा

काठमाडौं : प्राइम लाइफ, युनियन लाइफ र गुराँस लाइफ इन्सुरेन्सको सेयर कारोबार रोक्का भएको छ । प्राइम लाइफ, युनियन लाइफ र गुराँस लाइफ इन्सुरेन्स एक आपसमा गाभिने भएपछि सेयर कारोबार रोक्का गरिएको हो । यी ३ कम्पनीहरुले वैशाख २९ गते मर्जर सम्बन्धी सहमतिपत्रमा हस्ताक्षर गरेका थिए । 
 
बिमा समितिको निर्देशनपछि अहिले बिमा कम्पनीहरु पुँजी वृद्धिको दबाबमा छन् । समितिको चैत १० गतेको निर्देशन अनुसार एक वर्षभित्रै निर्जीवन बिमा कम्पनीले २ अर्ब ५० करोड रुपैयाँ र जीवन बिमा कम्पनीहरुले ५ अर्ब रुपैयाँ चुक्ता पुँजी पुर्याउनेपर्ने हुन्छ ।
 
हाल प्राइम लाइफको २ अर्ब ७७ करोड, गुराँसको २ अर्ब ८ करोड र युनियन लाइफको २ अर्ब १५ करोड रुपैयाँ चुक्ता पुँजी रहेको छ । गत साता निर्जीवन बिमा कम्पनीहरु हिमालयन जनरल इन्सुरेन्स र एभरेष्ट इन्सुरेन्सले पनि मर्जरमा जाने सहमति गरेका थिए ।
 

Post Your Comment