Market Closed

हिमालयन जनरल इन्सुरेन्सको आज एजीएम : सेयरधनीलाई लाभांश

11 Jun,2021
  • agm_new_img_9_16_2019_12_44_46.jpg
नेपाली पैसा 
 
काठमाडौं : हिमालयन जनरल इन्सुरेन्सको आज शुक्रबार जेठ २८ गते वार्षिक साधारण सभा बस्दैछ । सभा कम्पनीको केन्द्रीय कार्यालय थापागाँउ काठमाडौंमा भर्चुअल माध्यमबाट बिहान ११ बजे सुरु हुनेछ । साधारण सभामा कम्पनीले कुल ६.७५% लाभांश वितरण गर्ने प्रस्ताव पेश गर्दैछ । यसले आर्थिक वर्ष २०७६–७७ को नाफाबाट ३% बोनस र कर प्रयोजनसहित ३.७५% नगद लाभांश वितरण गर्न लागेको हो । 
 
सभामा कम्पनीको प्रबन्धपत्र तथा नियमावलीमा आवश्यक संशोधन गर्ने बारे सम्पूर्ण अधिकार सञ्चालक समितिलाई पूर्ण अख्तियारी दिने प्रस्ताव पनि छ । साथै, आर्थिक वर्ष २०७७–७८ को लागि लेखापरिक्षक नियुक्त गर्ने एजेन्डा पनि रहेको छ । साधारण सभा प्रयोजनका लागि हिमालयनले जेठ १३ गतेदेखि २८ गतेसम्म बुक क्लोज गरेको छ । जेठ १२ गतेसम्म कायम रहेका सेयरधनीले लाभांश सुरक्षित गर्न सक्नेछन् । 

Post Your Comment