Market Closed

चिनियाँ कम्पनी सिनोफार्म र सिनोभ्याक्स कोभाक्स कार्यक्रममा सहभागी हुने

14 Jul,2021
  • covax-ban_7_14_2021_11_49_10.jpg
 
बेइजिङ : कोभिड–१९ विरूद्धको विश्वव्यापी खोप अभियानमा चिनियाँ सिनोफार्म र सिनोभ्याक्स दुई कम्पनी कोभोक्स कार्यक्रममा सम्लग्न हुने भएका छन् । चिनियाँ सिनोफार्म र सिनोभ्याक्स खोपले कोभिड–१९ खोप कार्यान्वयन योजना (कोभाक्स) सँग छुट्टाछुट्टै रूपमा सहयोग सम्झौतामा हस्ताक्षर गरेका सिनोफार्मका एक उच्च अधिकारीले बताएका छन् ।

उक्त सहमति अनुसार विकासोन्मुख देशमा कोभिड–१९ महामारीको रोकथाम र नियन्त्रणका लागि यी दुई कम्पनीले जुलाइदेखि कोभाक्सलाई खोपको आपूर्ति गर्न थालेका छन् । जसले हाल विकासोन्मुख देशमा खोपको अभाव अवस्थालाई कम पार्न र खोपको निष्पक्ष वितरण गर्नका लागि सहयोग पुग्ने विश्वास गरिएको कोभ्याक्स खोप अभियानको मुख्य सहयोगी संस्था गाभीले बताएको छ ।
 
 कोभ्याक्स कार्यक्रममा हालसम्म अस्ट्राजेनेका, मोडेर्ना, फाइजर, जोनसन एण्ड जोनसनलगायत विश्वका ११ खोपकम्पनी जोडिएका छन् । सहमतिले डेल्टा भेरिएन्टजस्ता कोभिडका नयाँरूपले विश्व स्वास्थ्य प्रणालीमा उत्पन्न गरेको जोखिमलाई नियन्त्रण गर्न सहयोगी भूमिका निर्वाह गर्नेछ । चीनमा निर्मित २ खोप सिनोफार्म र सिनोभ्याक्सले तत्कालै एक करोड १० लाख खोप कोभ्याक्स खोप अभियानलाई दिनेछन् भने यसलाई विस्तारै थप गर्दै जाने सहमति पनि भएको छ ।
 
रासस–
 
 

Post Your Comment