Market Closed

अष्ट्रेलिया विश्वकपको अन्तिम १६ मा, डेनमार्क बाहिरियो

01 Dec,2022
  • Australia-vs-denmark_12_1_2022_6_52_26.jpg
नेपाली पैसा

काठमाडौं : अष्ट्रेलिया फिफा विश्वकप फुटबलको अन्तिम १६ मा प्रवेश गरेको छ । कतारमा भइरहेको फिफा विश्वकप २०२२ अन्तर्गत अष्ट्रेलिया १६ वर्षपछि विश्वकपको अन्तिम १६ मा प्रवेश गरेको हो । समूह डी को अन्तिम खेलमा डेनमार्कलाई १–० ले पराजित गरेपछि अष्ट्रेलियाले समूह डी मा उपविजेता बन्दै नकआउट चरणमा स्थान पक्का गरेको हो ।
 
अल जानोब स्टेडियममा भएको खेलमा अष्ट्रेलियाको लागि म्याथ्यु लेकीले निर्णायक गोल गरे । उनले खेलको ६०औं मिनेटमा रिले म्याग्रेको पासमा गरेको गोल निर्णायक बनेको थियो । जारी विश्वकपमा समूह डी मा अष्ट्रेलिया र साविक विजेता फ्रान्सले समान ६ अंक जोडेपनि गोलअन्तरमा फ्रान्स अघि रहेर समूह विजेता बनेको हो ।
 

Post Your Comment