Market Closed

रुसी तेललाई अधिकतम ६० डलर मात्र तिर्ने युरोपेली युनियनको प्रारम्भिक सहमति

02 Dec,2022
  • 5_9_4_2022_1_03_41.jpg
नेपाली पैसा
 
काठमाडौं : युरोपली युनियन (इयु) ले रुसी तेलको मूल्यमा अधिकतम प्रतिब्यारेल ६० डलर सीमा तोक्न बिहीबार प्ररम्भिक सहमत गरेको छन् । इयुले रुसी तेलमा बजार मूल्यभन्दा ५% तल सीमा राख्न सकिने समायोजन संयन्त्रसहित उक्त मूल्यमा प्ररम्भिक सहमति गरेको रेयटर्सले उल्लेख गरेको छ । यद्दपि, उक्त सीमा लागू हुन प्रत्येक इयु सदस्य राष्ट्रहरुको सरकारबाट पारित हुनुपर्नेछ । 
 
रुसी तेलको मूल्यमा सीमा लगाउने सम्बन्धी नीतिमा हस्ताक्षर गर्ने राष्ट्रहरुले तोकिएको सीमा र त्यसभन्दा कम मूल्यमा मात्र रुसबाट निर्यात हुने तेल तथा पेट्रोलियम पदार्थ खरिद गर्न पाउनेछन् । प्रारम्भिक सहमति अनुसार गएमा अब युरोपेली उर्जा कम्पनीहरुले रुसी तेललाई प्रतिब्यारेल अधिकतम ६० डलर मात्र तिरेर खरिद गर्नसक्नेछन् । वा, बजार भाउको ५% कम मूल्यमा मात्र खरिद गर्नुपर्नेछ । 
 
मूल्य सीमालाई प्रत्येक २ महिनामा समीक्षा गरिनेमा पनि इयु राष्ट्रहरु सहमत भएका छन् ।रुसको युक्रेन युद्धमा कोष खर्च गर्ने क्षमता कम गर्न र आम उपभोक्तालाई इन्धनको चर्को मूल्यवृद्धिबाट बचाउने उद्देश्यसहित युरोपेली राष्ट्रहरुले रुसी तेलमा मूल्य सीमा तोक्न लागेका हुन् । यता, रुसले भने मूल्यमा सीमा तोक्ने देशहरुलाई तेल बिक्री नगर्ने बताइसकेको छ । 

Post Your Comment