Market Closed

सीआइटीको १ लाख ३ हजार कित्ता संस्थापक सेयर लिलामी भर्ने आज अन्तिम दिन

08 Apr,2021
  • CIT-img_new_2_14_2019_4_22_02_1_12_2021_9_35_34_2_1_2021_8_43_38_3_5_2021_9_25_24_3_21_2021_3_44_07.jpg
नेपाली पैसा
 
काठमाडौं : प्रिमियर इन्सुरेन्सको स्वामित्वमा रहेको नागरिक लगानी कोष (सीआइटी) को संस्थापक सेयर लिलामीमा आवेदन दिने बिहीबार (चैत २६ गते) अन्तिम दिन हो । सीआइटीको १ लाख ३ हजार ७०० कित्ता संस्थापक सेयरमा बिहीबार कार्यालय समयसम्म बोलपत्र पेश गर्न सकिनेछ ।
 
प्रिमियरले आफ्नो स्वामित्वमा रहेको सीआइटीको सेयर चैत ११ गतेदेखि लिलामीमा ल्याएको हो । नागरिक लगानी कोषको संस्थापक सेयरको न्यूनतम भाउ प्रतिकित्ता १३ सय ५० रुपैयाँ तोकिएको छ । लगानीकर्ताले यसलाई आधार मानेर सो वा सोभन्दा बढी भाउ अंकित गरी बोलपत्र पेश गर्नुपर्नेछ ।
 
लगानीकर्ताले न्यूनतम १०० कित्ता र १० ले भाग जाने गरी अधिकतम सम्पूर्ण कित्ताका लागि पनि आवेदन दिन सक्नेछन् । यसमा बिक्री प्रबन्धक नबिल इन्भेष्टमेन्ट बैंकिङ नक्साल काठमाडौं र प्रिमियर इन्सुरेन्सको केन्द्रीय कार्यालय नक्साल काठमाडौंबाट पनि आवेदन दिन सकिनेछ ।

Post Your Comment