अजोड इन्सुरेन्सको आइपीओमा आक्रमक रुपमा आवेदन पर्ने क्रम जारी छ । बिक्री प्रबन्धक एनआइबीएल एस क्यापिटलका अनुसार आइतबार साँझ ५ बजेसम्ममा यस आइपीओमा ४ लाख ८ हजार जनाले १ करोड ४७ लाख ५८ हजार ६० कित्ताका लागि आवेदन दिएका छन् । १ अर्ब ४७ करोड ५८ लाख ६ हजार रुपैयाँ बराबरको आवेदन परेको हो । यो सर्वसाधारको लागि बिक्री खुला गरिएको २७ लाख ३० हजार कित्तालाई आधार मान्दा ५.४० गुणा बढी आवेदन हो ।

नेपाल स्टक एक्सचेन्ज (नेप्से) को पछिल्लो तथ्यांक अनुसार अनलाइन प्रयोग गर्ने लगानीकर्ताको संख्या ३१ हजार ९ सय ८८ जना पुगेको छ । पछिल्लो समय अनलाइन प्रयोगकर्ता बढेको देखिन्छ । तथापि, लगानीकर्ता संख्याको अनुपातमा भने यो आँकडा अझै निकै कम हो । नेपाली सेयर बजारमा सक्रिय र निष्कृय गरी १५ लाखभन्दा बढी लगानीकर्ता रहेको अनुमान छ । सीडीएसको पछिल्लो तथ्यांक अनुसार १७ लाख ११ हजार जनाले डिम्याट खाता खोलेका छन् । अनलाइनको युजर नेम र पासवर्ड लिएर कारोबार गर्नेमा सबैभन्दा धेरै संख्या भिजन सेक्युरिटिज (ब्रोकर नम्बर ३४) मा रहेको छ । यस कम्पनीबाट २ हजार १६८ जनाले अनलाइन प्रयोग गरेको तथ्यांक छ । दोस्रोमा कोहिनूर इन्भेष्टमेन्टबाट १९ सय ८० जनाले अनलाइन प्रयोग गरेको देखिन्छ ।