Market Closed

गरिमाको माघ ३० मा एजीएम, यसरी गर्न सकिन्छ १४.२१% लाभांश सुरक्षित

15 Jan,2021
  • garima_photo_8_13_2019_8_22_12_12_27_2020_10_24_46_1_15_2021_9_19_40.jpg
नेपाली पैसा 

काठमाडौं : गरिमा विकास बैंकले माघ ३० गते साधारण सभा बोलाएको छ । सभामा बैंकले १४.२१% लाभांश वितरण गर्ने प्रस्ताव पेश गर्दैछ । बैंकले गत वर्षको नाफाबाट १३.५०% बोनस सेयर र बोनसमा लाग्ने कर प्रयोजनका लागि ०.७१% नगद लाभांश वितरण गर्न लागेको हो । यसर्थ, बैंकले ४३ करोड ७२ लाख २३ हजार ७२ रुपैयाँ बराबरको बोनस वितरण गर्नेछ ।

यस्तै, २ करोड ३० लाख ११ हजार ७४० रुपैयाँ कर प्रयोजनका लागि नगद लाभांश बाँड्नेछ ।  सभा होटल पोखरा ग्रान्ड, पार्दी बिरौटामा बिहान १०.३० बजेबाट सुरु हुनेछ । अन्य कुनै बैंक तथा वित्तीय संस्थासँग मर्ज वा एक्विजिसन गर्नु परेमा सम्पूर्ण अख्तियारी सञ्चालक समितिलाई दिने एजेन्डा सभामा पेश गर्नेछ । 
 
सभामा लेखापरीक्षक नियुक्त गर्ने, चुक्ता पुँजी वृद्धि हुने भएपछि सोही बमोजिम प्रबन्धपत्र तथा नियमावली संशोधन गर्ने प्रस्ताव पनि पेश गरिदैछ । आर्थिक वर्ष २०७६–७७ को वासलात, नाफा नोक्सानमा सम्बन्धमा पनि छलफल हुनेछ । सभा गर्न बैंकले माघ १२ गतेदेखि ३० गतेसम्म बुक क्लोज गर्नेछ । माघ ११ गतेसम्म कायम रहने सेयरधनी लाभांशको हकदार हुनेछन् । 
 
 

Post Your Comment