Market Closed

प्रिमियर इन्सुरेन्सको ६ लाख ५९ हजार ५६५ कित्ता एफपीओ नेप्सेमा भयो सूचीकरण

23 Mar,2018
  • premier-insurance-company-Lt_3_23_2018_11_41_56.jpg
नेपाली पैसा 
 
काठमाडौं : प्रिमियर इन्सुरेन्सको एफपीओ सेयर शुक्रबार सूचीकृत गरिएको छ । यो एफपीओ गत माघ १८ गते बाँडफाँट गरिएको थियो । कुल ६ लाख ५९ हजार ५६५ कित्ता सेयर सूचीकरण गरिएको हो । अब १ सातापछि दोस्रो बजार मार्फत कारोबार सुरु हुनेछ ।

कम्पनीले पुस १६ देखि १९ गतेसम्म फेस भ्यालु १०० रुपैयाँमा ६९९ रुपैयाँ प्रिमियम थप गरी प्रतिकित्ता ७९९ रुपैयाँ दरमा ६ लाख ५९ हजार ५६५ कित्ता एफपीओ बिक्री खुला गरेको थियो बिमा समितिले तोकेको न्यूनतम चुक्ता पुँजी पुर्याउन प्रिमियरले एफपीओको सहारा लिएको हो । 
हाल यस कम्पनीको चुक्ता पुँजी ४४ करोड ८५ लाख ४ हजार रुपैयाँ छ । एफपीओ बिक्रीपछि चुक्ता पुँजी ५१ करोड ४४ लाख ६० हजार ३०० रुपैयाँ पुगेको छ । चालु आर्थिक वर्षको दोस्रो त्रैमासमा प्रिमियरले ५ करोड ४१ लाख रुपैयाँ खुद नाफा कमाएको छ ।

यो इन्सुरेन्सले चैत २६ गते बस्ने वार्षिक साधारण सभामा १३.५२% बोनस सेयर वितरण गर्ने विशेष प्रस्ताव लैजाँदैछ । बोनस सेयर एफपीओ किनेकाले पनि पाउने छन् । बोनसपछि भने चुक्ता पुँजी अझै बढेर ५१ करोड ८१ लाख २० हजार ४९ रुपैयाँ पुग्नेछ ।

प्रतिसेयर आम्दानी २४ रुपैयाँ १२ पैसा रहेको प्रिमियरको प्रतिसेयर नेटवर्थ भने २३४ रुपैयाँ ६९ पैसा छ । यस आधारमा कम्पनीलाई बिमा समितिले तोके अनुसारको चुक्ता पुँजी पुर्याउन अझै ठूलो रकम आवश्यक पर्ने देखिन्छ । 
 

Post Your Comment