Market Closed

नेपाल एसबीआई बैंकको लाभांश कहिलेसम्म सेयर किन्नेले पाउने ?

26 Nov,2019
  • Nepal-SBI-bank-Lt_1_2_8_13_2018_10_44_28.jpg
नेपाली पैसा 
 
काठमाडौं : नेपाल एसबीआई साधारण सभा गर्न बैंकले मंसिर १३ गते शुक्रबारदेखि २९ गतेसम्म बुक क्लोज गर्नेछ । मंसिर १२ गते बिहीबारसम्म कायम सेयरधनी मात्र बोनस तथा नगद लाभांशको हकदार हुनेछन् । एसबीआईले मंसिर २९ गते साधारण सभा बोलाएको छ । सभामा बैंकले १६.८४% लाभांश वितरण गर्ने प्रस्ताव पेश गर्दैछ । बैंकले गत वर्षको नाफाबाट ६% बोनस सेयर र १०.८४% नगद लाभांश वितरण गर्न लागेको हो । 
 
एसबीआईले ५० करोड ६९ लाख ५५ हजार रुपैयाँ बराबरको बोनस वितरण गर्नेछ । ९१ करोड ५८ लाख ९८ हजार ७०० रुपैयाँ नगद वितरणमा खर्च गर्नेछ । साधारण सभा त्रिभुवन आर्मी अफिसर्स क्लब, भद्रकाली काठमाडौंमा बिहान ११ बजे सुरु हुनेछ । अन्य कुनै बैंक तथा वित्तीय संस्थासँग मर्ज वा एक्विजिसन गर्नु परेमा सम्पूर्ण अख्तियारी सञ्चालक समितिलाई दिने एजेन्डा सभामा पेश गर्नेछ ।

बोनसपछि अधिकृत पुँजी र चुक्ता पुँजी वृद्धि हुने हुँदा सोही बमोजिम नियमावली संसोधन गर्ने एजेन्डा पनि छ । आर्थिक वर्ष २०७५–७६ को वार्षिक प्रतिवेदन र सोही अवधि सम्मको नाफा नोक्सान सम्बन्धी प्रस्ताव पनि पेश हुनेछ ।

आर्थिक वर्ष २०७६–७७ का लागि लेखापरीक्षक नियुक्ति र पारिश्रमिक निर्धारण गर्ने अर्को एजेन्डा पनि छ । हाल यस बैंकको चुक्ता पुँजी ८ अर्ब ४४ करोड ९२ लाख ५० हजार रुपैयाँ रहेको छ । बोनस वितरणपछि पुँजी ८ अर्ब ९५ करोड ६२ लाख ५ हजार रुपैयाँ पुग्नेछ । 

एसबीआई बैंकको साधारण सभा सम्बन्धी जानकारी 
 

Post Your Comment