Market Closed

सोल्टी होटल : कम्पनी विश्लेषण (सोमवार, २७ भदौ २०७३)

12 Sep,2016
  • soltee_hotel_resize_9_12_2016_12_51_22.png


कम्पनीको असार मसान्तसम्ममा खुद नाफा न्यून प्रतिशत मात्रै वृद्धि भएको छ । लगानी ९६ दशमलव ९७ प्रतिशत बढेर रू. ६ करोड ५९ लाख पुगेको छ ।

प्राविधिक विश्लेषण
मैनबत्ती : अन्तिम दिनमा पुच्छर भएको कालो मैनबत्ती बनेको छ । यसले आगामी दिनमा शेयरमूल्य घट्न सक्ने सङ्केत गर्दछ ।

आरएसआई : न्युट्रल जोन (४६ दशमलब ६१ स्केलमा)मा छ । खरीदविक्री चाप सन्तुलनमा छ । स्ट्याण्डर्ड डेभिएशन : ७ दशमलव ३२ विन्दुमा छ । उतारचढाव सामान्य छ ।

मुभिङ एभरेज : २१ दिने औसत मूल्य रेखा र सातदिने औसत मूल्यरेखा केही दिनदेखि एकअर्कासँग टाढिँदै गएका छन् । हालको मूल्य २१ दिने रेखाभन्दा माथि छ भने सातदिने रेखा र ट्रेण्ड लाइनभन्दा तल छ । हालको विन्दुबाट मूल्य सस्तिएमा रू. ४ सय र मूल्य महँगिएमा रू. ४ सय ९ मा टेवा पाउन सक्छ ।

आधारभूत विश्लेषण
कम्पनीको चौथो त्रैमासिक वित्तीय विवरणअनुसार २०७१/७२ आर्थिक वर्ष र २०७२/७३ आर्थिक वर्षबीच तुलना गर्दा :
- खुद नाफा शून्य दशमलव शून्य ६ प्रतिशत बढेर रू. ८ करोड ८ लाख पुगेको छ । कुल आम्दानी शून्य दशमलव २८ प्रतिशत बढ्नाले खुद नाफा बढ्न टेवा पुगेको हो ।

- जगेडा कोष ९६ दशमलव ९७ प्रतिशत बढेर रू. २७ करोड ६६ लाख पुगेको छ ।

- खुद आम्दानी शून्य दशमलव २८ प्रतिशत बढेर रू. १ अर्ब १५ करोड पुगेको छ । होटलको इन्भेट्री (कच्चापदार्थ लगायत) ८ दशमलब ४२ प्रतिशत बढेको छ । होटलको इन्भेट्रीमा केही वर्षदेखि नै सामान्य वृद्धि भइरहेको छ । यसले सामान खेर जाने र ती सामानमा नोक्सान बढ्ने सम्भावना पनि बढ्दै गएको छ ।

- होटलको खाद्य तथा पेय सामग्रीको खर्च १ दशमलब ८६ प्रतिशत घटेर रू. १९ करोड ५८ लाखमा सीमित भएको छ ।

- कर्मचारी खर्च ८ दशमलव २१ प्रतिशत बढेको छ भने  सञ्चालन तथा प्रशासन खर्च शून्य दशमलव ७७ प्रतिशत घटेको छ ।

- कम्पनीको चौथो त्रैमासिक विवरणमा उल्लेख भएअनुसार पीई रेशियो करीब ३३ गुणा र प्रतिशेयर आम्दानी रू. १७ दशमलव ८२  छ ।  हालको शेयरमूल्य नेटवर्थको ३ गुणा छ ।

Post Your Comment