साना किसानको खुद नाफा २४.९२% बढ्यो, रिजर्भ फन्ड अझै मजबुत बन्दै

नेपाली पैसा 

काठमाडौं  : साना किसान विकास लघुवित्त वित्तीय संस्थाले आर्थिक वर्ष २०७५÷७६को चौथौ त्रैमासिक प्रतिवेदन सार्वजनिक गरेको छ । लघुवित्तले यो त्रैमासमा ४९ करोड १० लाख २४ हजार रुपैयाँ खुद नाफा आर्जन गरेको छ । यो अघिल्लो आर्थिक वर्षको सोही अवधिको तुलनामा २४.९२% ले धेरै हो । गत आवमा साना किसानले ३९ करोड ३० लाख ६३ हजार रुपैयाँ नाफा आर्जन गरेको थियो ।
 

यस अवधिमा खुद ब्याज आम्दानी र सञ्चालन नाफा पनि क्रमशः २२.३५% र २४.९९% ले वृद्धि गरेको छ । कम्पनीले रिजर्भ फन्ड पनि ४१.७१% ले बढाउन सफल भएको छ । यो त्रैमाससम्ममा कम्पनीले रिजर्भ फन्डमा  १ अर्ब ६७ करोड ८६ लाख रुपैयाँ जम्मा गरेको छ । 

खराब कर्जा ०.०८% र कस्ट अफ फन्ड ५.९०% छ । साना किसानको प्रतिसेयर आम्दानी ६२ रुपैयाँ ४७ पैसा र प्रतिसेयर नेटवर्थ ३१३ रुपैयाँ ५६ पैसा रहेको छ ।