Market Closed

‘नागरिक लगानी कोष कर्मचारी अवकाश योजनामा लाग्ने करमा कुनै पनि फेरबदल भएको छैन’

19 Nov,2018
  • CIT-img_11_19_2018_4_02_13.jpg
नेपाली पैसा 
 
काठमाडौं : नागरिक लगानी कोषबाट सञ्चालित कर्मचारी बचत वृद्धि स्वीकृत अवकाश कोष कार्यक्रमको कर प्रावधानमा कुनै पनि फेरबदल नभएको कोषले स्पष्ट पारेको छ । कर्मचारी बचत वृद्धि स्वीकृत अवकाश कोषमा ५ लाख रुपैयाँसम्म जम्मा भएको रकम फिर्ता लिंदा कुनै पनि कर तिर्नुपर्ने छैन ।

यसैगरी, ५ लाख रुपैयाँ भन्दा माथि १० लाखसम्मको बचतमा ५ प्रतिशतका दरले कर लाग्नेछ । यसमा पनि ५ लाख रुपैयाँभन्दा माथिको जम्मा ५ लाख रुपैयाँको मात्रै कर तिुर्नपर्ने हो । यस्तै, १० लाख रुपैयाँ भन्दा माथि जम्मा भएको रकम फिर्ता लिंदा त्यस रकमको ५० प्रतिशत घटाई बाँकी हुने रकमको मात्र ५ प्रतिशत कर लाग्नेछ ।

जस्तो, उदाहरणका लागि यस योजना अन्तर्गत कुनै बचतकर्ताको २० लाख रुपैयाँ कोषमा जम्मा भएको छ भने त्यसमध्ये १० लाख रुपैयाँको कर लाग्नेछैन । बाँकी हुन आउने १० लाख रुपैयाँको मात्र ५% का दरले कर तिर्नुपर्नेछ । 
 
नागरिक लगानी कोषका सूचना अधिकृत उद्धव सिलवालले कर सम्बन्धी यस अघिको प्रावधानमा कुनै पनि फेरबदल नगरिएको नेपाली पैसालाई जानकारी गराए । गलत हल्ला फैलिंदा आम बचतकर्ता अन्योलमा परेका छन् । ‘

कर्मचारी बचत वृद्धि स्वीकृत अवकाश कोष कार्यक्रममा यसअघिको कर प्रावधानमा कुनै पनि परिवर्तन भएको छैन,’ उनले भने । 
 

Post Your Comment